وش تسوي باخوك اذا مارضي يوديك المكان اللي تبيه....؟

اسمعو يا بنات
اذا طلبتي من اخوك انه يوديك السوق وما طاع لانه يبي يطلع مع اصدقائه ولا مواعدهم ومايقدر يتأخر لا تزعلين وقولي له جزاك الله خير ومشكور ماتقصر...

بس طبعا هاليوم مابيعدي على خير تعرفين شو تسوين؟؟ عندك هالنصايح وجربيها

روحي غرفتك والهي نفسك باي شي
اختاري اي وسيله للانتقام من الوسائل الاتيه ولو تجربينها كلها يكون احسن خخخخ


1- روحي لمزيل الروائح حق اخوك قبل مايطلع من الحمام(عزكم الله) وهو يبي يتسبح افتحي الغطا وحطي فيه استون(مزيل المناكير) وعصير ليمون ورجعيه مكانه.... واظمن لك100 %ان ايده بيظل رافعنها 24 ساعة وفوق هذ حتى المشي مابيقدر يمشي عدل خخخ


2- سيري عند النعال (عزكم الله ) حق اخوك اللي دوم يحب يلبسها ..... وكلي لبان والاحسن تاكلين كرتون كامل وطلعي اللبان ولصقيه فالنعال من داخل من فوق ومن تحت ههههههه بيكره حياته



3- خذي المشط حق الشعر اللي دايم يستخدمه ووغطسيه في موية و بيض ني ...وطبعا الحبيب بيكون طالع من الحمام وكشته كلها موية كالعادة وبيسير يمشط شعره وعاد شمي الريحة اللي بتطلع من شعره هههه الله يعينه......بس يستاهل.


4- شيلي جواله وافتحيه كذا بس الين مايخلص الشاحن .


5- خذي مفتاح سيارته ودسيه مكان ..واذا سال عنه قولي انك شفتيه مع واحد من اخوانك الصغار والاحسن انه يكون عمره اقل من 3 سنوات لانه مابيقدر يصفعه وبيسير بيذل عمره ذل لاخوك خخخ بس عشان يقوله وين حط المفتاح وانتي عاد فطسي من الضحك من الخاطر بس لاتخلينه يشوفك.... ويوم بييأس بيدق حق ربعه بيقولهم تعالوا شلوني ماعنده غير هالحل خخخ.
6-ويوم يبا يطلع سأليه اذا يبا فلوس وطبعا هوه بيكون ماله ويه ياخذ من عندك لانه ماطاع يوديك السوق ((الا اذا كان ويهه لوح هذا شي ثاني خخخ))
شين وقوة عين بعد خخخ
7- قبل ما يطلع من البيت خذي مفتاح غرفته بعد مايقفلها ...حاولي تحصلين المفتاح ضروري ...عشان يوم يرجع من البيت بيكون مسطل ويبا يرقد ومافيه يدور وبيتحسب عمره انه مضيع المفتاح برا ولا ناسيه عند حد من ربعه مابيلقى حل غير انه يرقد فالصالة وعلى الكنبة ...وعاد انتي قوليله انا بسهر فالصالة اليوم اشوف فلم سير ارقد فغرفتي ..وبعدين صدق بيندم وبيقول فخاطره ياليتني وديتها السوق حليلها اختي مرة طيبة خخخخ بس بيحاول انه مايبين هالشي بس فاليوم الثاني بتشوفينه بروحه جايك ويسألك وين تبين تروحين؟؟ وعاد افرحي انتي واستانسي وبيوديك وبيدلعك بعد خخخخ شو تبين أكثر من كذا؟؟؟

شو رايكم عجيبة الحركة؟ صح ؟؟